في مرة من خمس سنوات ماشية نعزي صديقة بعد ما سلمت و قعمزت و بديت نهدرز و تجيني بنية أمها من معارف العائلة ( بعد مانكمل القصة نقوللكم على عمرها) بعد ماسلمت عليا و يا خويلة إستاحشتك ( على فكرة البنت ريتها مرتين في حياتي ) و أنا نخمم هادي امتى رتني باش تستاحش 😕 !! المهم سألتها كيف حال ماما قالتلي كويسة و قالتلي نقولك إني نضم معاها و نغسل في الماعين و ديمة مدايرة بالي كويس من البيبي ( خوها او اختها ) و ديمة انشف في الحوش و أني ناشطة هلبة و هذا كله تعد بصوابعها و هي متكية على حجري شني قالتلها امها
😒 باهي ماشاء الله عليك حبيبتي و ربي يحفظك
تبوا تعرفوا عمرها و الا .. البنية عمرها خمسة سنوات وقتها و امها دفتهالي تعوللها على ولدي على اياس عريس و تخدملها بكري بكري
توا علموهم هكي و مكيجوهم و ارسمولهم حواجبهم و لما يديروا البلي الازرق قولوا خيره هالجيل ؟!؟
مش عارفة هل هذا ذكاء و حسن تخطيط للمستقبل !؟ أم هوس و مرض نفسي ؟!؟
#أنا_أدون
ليست هناك تعليقات:
إرسال تعليق